Жамшид Юнусович Турсунов Бухоро вилояти ҳокимининг биринчи ўринбосари лавозимига тайинланди. Бу ҳақда ЎзА хабар берди.

Тайинловга қадар Ж.Турсунов Автомобиль йўллари қўмитаси раисининг ўринбосари лавозимида ишлаган.

Жамшид Турсунов – 1979 йил 22 февралда Бухоро вилояти Бухоро туманида туғилган. 2000 йил Тошкент молия институтини, 2003 йил Ўзбекистон Республикаси банк-молия Академияси тамомлаган. Молия ва кредит, банк иши бўйича мутахассис.

Шунингдек, Ўктам Машарипов Хоразм вилояти ҳокимининг қишлоқ ва сув хўжалиги масалалари бўйича ўринбосари лавозимига тайинланди.  У бунга қадар 2020 йилдан буён Ҳазорасп тумани ҳокими лавозимида фаолият юритган.

Ўктам Машарипов – 1959 йил Хоразм вилоятида туғилган. Маълумоти буйича мутахассислиги олим-агроном.

2006–2012 йилларда Хоразм вилояти Гурлан тумани ҳокими, 2018–2020 йилларда Янгибозор тумани ҳокими лавозимларида ишлаган.