Давлат ва жамоат арбоби Рафиқ Нишонов 97 ёшида вафот этди.

У 1926 йили Бўстонлиқ туманида туғилган. Тошкент давлат педагогика институтини тамомлаган, тарих фанлари номзоди.

Ўз вақтида Тошкент шаҳар ижроия қўмитаси раиси, СССРнинг Шри-Ланка, Мальдив Республикаси, Иордания Қироллигидаги фавқулодда ва мухтор элчиси бўлиб хизмат қилган.

Ўзбекистон Республикаси ташқи ишлар вазири, Республика Олий Совети Президиумининг раиси, Ўзбекистон КП Марказий қўмитаси биринчи котиби лавозимларида ишлаган.