Ўзбекистон мусулмонлари идорасининг маълум қилишича, идора раиси ўринбосари Иброҳимжон домла Иномов бошқа ишга ўтганлиги сабабли, унинг ўрнига Тошкент шаҳридаги «Новза» жоме масжиди имом-хатиби Жалолиддин домла Ҳамроқулов раис ўринбосари лавозимига тайинланган.

Шунингдек, Ўзбекистон мусулмонлари идорасида янги ташкил этилган раиснинг Ёшлар ишлари бўйича ўринбосари лавозимига Тошкент ислом институти ректори вазифасида ишлаган Уйғун домла Ғофуров тайинланган.

Эслатиб ўтамиз, аввалроқ Тошкент ислом институти ректори лавозимига Муҳаммадолим Муҳаммадсиддиқов тайинлангани ҳақида хабар берган эдик.