Ўзбекистон Республикаси Президентининг тегишли фармони билан:

Тўра Абдиевич Боболов бошқа ишга ўтиши муносабати билан Сурхондарё вилояти ҳокими лавозимидан озод этилди;

Тошкент шаҳар прокурори лавозимида ишлаб келган Улуғбек Бердиқобилович Қосимов Сурхондарё вилояти ҳокими вазифасини бажарувчи этиб тайинланди.

Маълумот ўрнида, Тўра Боболов 2019 йилнинг майида Сурхондарё вилояти ҳокими вазифасини бажарувчи этиб тайинланганди. Боболов 2020 йил январида вилоят ҳокими лавозимига расман тасдиқланган.