Кеча ижтимоий тармоқларда Самарқанд шаҳридаги дорихоналардан харид қилинган «Док-1 Макс» таблетка ва сироп дори воситаларини қабул қилгандан сўнг беморларда турли ножўя таъсирлар кузатилгани ҳақида хабар берган эдик.

Соғлиқни сақлаш вазирлиги махсус ишчи гуруҳи томонидан Самарқанд вилоятида «Док-1 Макс» таблетка ва сироп дори воситалари оқибатида ножўя таъсирлар кузатилгани гумон қилинган беморлар ҳолати юзасидан ўрганиш олиб борилаётгани хабар қилинди.

Ишчи гуруҳ таркибига вазирлик, Республика суд-тиббий экспертиза илмий-амалий маркази ходимлари, болалар нефрологи, педиатр каби малакали мутахассислар киритилди. Улар ҳар бир гумон қилинган бемор бола анамнези бўйича чуқур таҳлил ўтказмоқда. Хулоса натижалари ҳақида қўшимча маълумот берилади,  дейилади Соғлиқни сақлаш вазирлиги расмий баёнотида.