Ўзбекистон Энергетика вазирлиги Афғонистонга электр энергияси етказиб бериш тўхтатилгани ҳақидаги хабарлар юзасидан расмий баёнот берди.

«Ҳозирда битта «Наибобод 1» электр узатиш тармоғи орқали электр энергияси етказиб берилмоқда, иккинчи «Наибобод 2» тармоғида техник носозликлар туфайли таъмирлаш ишлари олиб борилмоқда. Шу муносабат билан Афғонистонга электр энергияси экспорти қисқарган, бироқ тўхтатилгани йўқ.

Шу кунларда 125 МВт электр энергияси етказиб берилмоқда» – дейилади вазирлик баёнотида.

Аввалроқ Афғонистоннинг DABS энергетика компанияси вакили Афғонистондаги электр энергияси узилишларида Ўзбекистонни айблаганди.