Қирғиз нашрлари Ўзбекистон Президенти Шавкат Мирзиёевнинг 9 декабрь куни Қирғизистонга ташрифи ҳақида ёзишмоқда.

Ўша куни Бишкекда Евросиё иқтисодий иттифоқи (ЕОИИ)га аъзо давлатлар раҳбарларининг саммити ҳам бўлиб ўтади.

Мирзиёевнинг Қирғизистондаги иш сафари эса 10 декабрдан бошланади. Унда икки давлат ўртасида қатор ҳужжатларнинг имзоланиши айтилмоқда. Жумладан, имзоланиши кутилаётган ҳужжатлар орасида икки давлат фуқароларининг чегарани кесиб ўтишида енгилликларни назарда тутувчилари ҳам бўлиши мумкинлиги айтилмоқда.

Ташриф доирасида қирғиз-ўзбек томонлари бизнес форуми ҳам режалаштирилган.