Қозоғистон Президенти Қосим-Жўмарт Тўқаев Россия Президенти Владимир Путиннинг Россия, Қозоғистон ва Ўзбекистоннинг ўзига хос уч томонлама иттифоқини ташкил этиш таклифини қўллаб-қувватлади.

Бундан ташқари икки давлат раҳбари газ соҳасидаги муаммоларга ечим топишга келишиб олишди.

“Ҳа, қўшимча мувофиқлаштиришни ва ҳатто музокараларни талаб қиладиган масалалар бор. Хусусан, гап газ сектори ҳақида кетяпти. Лекин биз қандайдир масалани драмалаштирмаяпмиз. Мен Владимир Владимировичга шундай масалалар борлигини айтдим, улар муҳокама талаб қилади, лекин мутлақо драматизацияни эмас. Бу иш юзасидан бўладиган масалалар”, - деди Қозоғистон Президенти.

Давлат раҳбари бу сўзларни Россия бош вазири Михаил Мишустин билан Кремлда Россия-Қозоғистон олий даражадаги музокараларидан сўнг бўлиб ўтган учрашувда айтган.

Тўқаев тегишли келишувларга эришамиз деб ишонч билдирди.

“Бундан ташқари, бугун Владимир Владимирович қандайдир уч томонлама иттифоқ тузишимиз кераклигини айтди ва у Ўзбекистон президентига қўнғироқ қилмоқчи”, – деди Тўқаев