«Миллий тикланиш» лидери Алишер Қодиров айни пайтда Қонунчилик палатасида Конституцияга ўзгартиш ва қўшимчалар киритишга оид ҳужжатнинг навбатдаги муҳокамалари бўлиб ўтаётганини маълум қилди.

Қайд этилишича, Конституциянинг 76 та моддасига ўзгартиш ва қўшимчалар билан бирга, 15 та янги модда ва 1 та янги боб киритилмоқда. Лойиҳада фуқаролар томонидан тақдим қилинган 160 мингга яқин таклифлардан ҳам кенг фойдаланилган.

«Миллий тикланиш» ва ЎзЛиДеП партия фракциялари қонун лойиҳасини Олий Мажлис Қонунчилик палатасининг ялпи мажлиси муҳокамасига киритиш ташаббусини қўллаб-қувватладилар», – дейди депутат.