Бугун, 4 ноябрь куни кечқурун Тошкентда кузатилган ғайриоддий чанг-қумли туманга шамолнинг кучайиши натижасида тупроқнинг жуда қуриб қолган устки қатлами кўтарилиши сабаб бўлди, деб хабар берди Гидрометеорология хизмати маркази.

Ўзгидромет аввалроқ 4 ноябрь куни Ўзбекистон ҳудудига Уралдан совуқ ҳаво оқимлари кириб келиши ҳақида хабар берган эди.

Совуқ фронт зонасида шамолнинг 12−15 м/с гача, Бухоро, Навоий, Жиззах вилоятларининг айрим жойларида 20−25 м/с гача кучайиши кузатилди.

Атмосфера ҳавосидаги чанг миқдори белгиланган миқдорлардан 5 баробарга ошган.