Бугун Туркий давлатлар ташкилоти Самарқанд саммитида ташкилотга аъзо ва кузатувчи мақомидаги мамлакатлар Давлат Раҳбарлари иштирокида «Яшил макон» лойиҳаси доирасида Регистон майдонида кўчат экиш тадбири ўтказилиши режалаштирилган. Oyina.uz мухбирининг хабар беришича, бугун Ўзбекистоннинг ўзида 2,5 млн туп дарахт экилади.

Шунингдек, Туркий давлатлар ташкилотига аъзо бўлган Туркия, Озарбайжон, Қозоғистон, Қирғизистон ҳамда кузатувчи мақомига эга бўлган Венгрия ва Туркманистон давлатлари пойтахтларида ҳам бир вақтнинг ўзида кўчат экиш тадбирлари уюштирилади. Хусусан, Озарбайжонда 11 ноябрь куни 111 минг 111 та дарахт кўчати ўтқазилиши режалаштирилмоқда.