Туркий давлатлар ташкилоти саммити якунида ташкилотга раислик бир йил муддатга Туркиядан Ўзбекистонга ўтади. Бу ҳақида Президент матбуот котиби Шерзод Асадов маълум қилди, дея хабар бермоқда "Oyina.uz"  мухбири.

Шунингдек, саммит доирасида 10 дан ортиқ ҳужжат имзоланиши режалаштирилган. 

"Хусусан, унинг асосий ҳужжати – Самарқанд Декларациясини қабул қилиш кутилмоқда. Унда минтақавий барқарорлик, хавфсизлик ва барқарор иқтисодий ривожланишни таъминлаш, транспорт алоқаларини мустаҳкамлаш, шунингдек, маданий мулоқотни чуқурлаштириш бўйича қўшма ёндашувлар белгилаб берилган”, деган Президент матбуот котиби.