Жорий йилнинг 10-11 ноябрь кунлари Самарқандда Туркий давлатлар ташкилотининг биринчи саммити ўтказилади.

Саммитда Ероосиёнинг муҳим стратегик ҳудудларида жойлашган туркий дунё мамлакатлари раҳбарлари иштирок этиши кўзда тутилган, деб ёзади Президент матбуот котиби.

Ўзбекистон ташкилотнинг муҳим аъзоларидан бири ҳисобланади. Шу пайтга қадар давлатимиз раҳбари томонидан илгари сурилган 30 дан ортиқ ташаббуснинг аксарияти амалиётга жорий этилган.

ТДТ Самарқанд саммити аъзо мамлакатлар ўртасидаги барча йўналишлардаги ҳамкорликни янги босқичга кўтаради.

Тадбирда 5 та аъзо мамлакат — Ўзбекистон, Туркия, Озарбойжон, Қозоғистон, Қирғизистон ҳамда 2 та кузатувчи — Туркманистон ва Венгрия мамлакатлари раҳбарияти иштирок этиши кутилмоқда.