Bugun Respublika Maʼnaviyat va maʼrifat markazi Navoiy viloyat boʻlimi “Maʼrifat” targʻibotchilar jamiyatining yangi aʼzolariga maxsus guvohnomalarni topshirdi.

Tadbirda viloyat hokimligi kotibiyat mudiri A.Yorqulov, viloyat Maʼnaviyat va maʼrifat boʻlimi rahbari A.Muqimov, tuman, shahar boʻlinmalari rahbarlari hamda viloyat kesimidagi oliy oʻquv yurtlaridan 20 nafardan ortiq olimlar, professorlar, dotsentlar, madaniyat xodimlari, ijodkor ziyolilar ishtirok etgan.

Shuningdek, faolligi bilan munosib hissa qoʻshib kelayotgan bir guruh “Maʼrifat” targʻibotchilar jamiyati aʼzolari Respublika Maʼnaviyat va maʼrifat markazining tashakkurnomalari hamda esdalik sovgʻalari bilan taqdirlandi, deya xabar qildi Navoiy viloyat Maʼnaviyat va maʼrifat boʻlimi axborot xizmati.