Moʻgʻuliston Prezidenti Uxnaagiyn Xurelsux Shanxay hamkorlik tashkiloti Davlat rahbarlari kengashining 22-majlisida qatnashish uchun Samarqandga yetib keldi. Bu haqida OʻzA xabar qildi. 

Maʼlum qilinishicha, Samarqand xalqaro aeroportida oliy martabali mehmonni Oʻzbekiston Respublikasi Bosh vaziri Abdulla Aripov kutib olgan.

Mazkur davlat SHHT huzurida kuzatuvchi maqomiga ega. Sammitda SHHT faoliyatini takomillashtirish, tashkilotga aʼzo davlatlar hamkorligi hamda mintaqaviy xavfsizlik va boshqa mavzulardagi masalalar muhokama qilinadi.