Oʻzbekiston Respublikasi Prezidenti Shavkat Mirziyoyev Toshkent shahrida oʻtayotgan jahon mamlakatlari parlamentlari ayol rahbarlarining sammiti doirasida mamlakatimizda boʻlib turgan Turkmaniston Milliy Kengashi Majlisi Raisi Gulshat Mammedovani qabul qildi. Bu haqida Prezident matbuot kotibi Sherzod Asadov xabar qildi.

Davlatimiz rahbari Oʻzbekiston bilan Turkmaniston oʻrtasidagi mustahkam doʻstlik va yaxshi qoʻshnichilik, ishonch va strategik sheriklikka asoslangan munosabatlarning bugungi yuksak darajasini mamnuniyat bilan qayd etdi.