Oʻzbekiston Prezidenti Shavkat Mirziyoyev bugun, 31-avgust kuni erta tongda Shahidlar xotirasi xiyobonida qatagʻon qurbonlarini yod etish marosimida ishtirok etdi hamda “Yangi Oʻzbekiston” bogʻida Mustaqillik monumenti poyiga gul qoʻydi.

Kechqurun davlat rahbari mamlakat mustaqilligining 31 yilligiga bagʻishlangan bayram tadbirida ishtirok etib, Oʻzbekiston xalqiga tabrik bilan murojaat qiladi.

Maʼlumot uchun, 31-avgust — Qatagʻon qurbonlarini yod etish kuni. Oʻzbekiston Respublikasi Prezidentining 2001-yil 1-maydagi farmoniga asosan ushbu kun har yili poytaxt Toshkent shahridagi “Shahidlar xotirasi” yodgorlik majmuida oʻtkazilishi belgilangan.