Davlat soliq qoʻmitasi qanday holatlarda keshbek hisoblanmasligi yuzasidan maʼlumot berdi.

Xabarda qayd etilishicha, agar chek berilganiga 10 kundan ortiq vaqt oʻtgan boʻlsa yoki agar sotib olingan tovar (xizmat)lar cheki uchun avval keshbek hisoblangan boʻlsa ularga keshbek hisoblanmaydi.

Shuningdek, avtomobil, havo va temir yoʻl chiptalarini sotib olish natijasida olingan, aloqa va kommunal xizmatlar uchun amalga oshirilgan toʻlov cheklari uchun ham keshbek qaytarilmaydi. DSQ tomonidan yuritiladigan shubhali xaridorlar reestriga kiritilgan jismoniy shaxslar cheklari uchun ham keshbek berilmasligi aytilgan.

Taʼkidlanishicha, shubhali xaridorlar keshbekka ega boʻlish uchun boshqa fuqarolar tomonidan amalga oshirilgan xarid cheklarini egasining ruxsatisiz roʻyxatdan oʻtkazgan shaxslar sanaladi.