Oʻzgidromet markazi hafta davomida ob-havo qulay saqlanib qolishini maʼlum qildi.

Oʻtgan dam olish kunlari mamlakat hududiga Ural (Rossiya) hududidan salqin havo massasi kirib keldi. Havo harorati kechalari +10…+15 darajagacha, kunduz kunlari +25…+30 darajagacha pasaydi.

Bugun va hafta davomida Oʻzbekiston boʻyicha avgust oyining oxirigi oʻn kunligi uchun meʼyoriy qiymatlarga yaqin boʻlgan qulay harorat bilan asosan ochiq ob-havo saqlanib turadi.

Kechalari harorat +12…+17 darajadan yuqori boʻlmaydi, haftaning birinchi yarmida kunduz kunlari harorat +27…+30 daraja atrofida boʻladi, ish haftasining oxiriga kelib harorat +31…+34 darajagacha biroz koʻtariladi.

Bugun va ertaga respublika boʻyicha baʼzi joylarda shamol 15−20 m/s gacha kuchayadi, ayrim joylarda chang-toʻzonlar kuzatiladi.