Oʻzbekiston prezidenti dushanba – 22-avgust kuni Tadbirkorlar bilan ochiq muloqot oʻtkazadi. Qolaversa, AQSH Kongressi aʼzolari Trent Kelli va Derin Laxudni qabul qilishi rejalashtirilgan. Bu haqida davlat rahbarining matbuot kotibi Sherzod Asadov dushanba kungi brifingda maʼlum qildi.

“Hafta davomida amalga oshirilayotgan qurilish va ijtimoiy-iqtisodiy loyihalar bilan tanishish maqsadida prezidentimizning, xususan, Samarqand viloyatiga tashriflari ham rejalashtirilgan”, – dedi u.

Bundan tashqari, mamlakatning ijtimoiy-iqtisodiy va siyosiy rivojlanishiga bagʻishlangan yigʻilish hamda videoselektorlar oʻtkazilishi koʻzda tutilgan.