Toshkent shahar hokimining joriy yilning 18-avgust kuni imzolagan farmoyishiga asosan, Toshkent shahar Chilonzor tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Xodjimanov Jamoliddin Xusnuddinovichga Chilonzor tumani hokimi vazifasini vaqtincha bajarish yuklatildi.

Eslatib oʻtamiz, joriy yil 8-avgust kuni Prezident Administratsiyasi rahbari Sardor Umurzoqov boshchiligida oʻtkazilgan selektor yigʻilishida Prezident topshirigʻiga asosan Toshkent shahar Chilonzor tumani hokimi Shavkat Mavlonov va prokurori Izzat Bozorov lavozimidan ozod etilgandi.