Joriy yilning 14-15-oktabr kunlari Moskva shahrida “Золотой Витязь” Xalqaro slavyan adabiyoti forumi bo‘lib o‘tdi. Forum ulug‘ rus adibi Fyodor Dostoyevskiyning 200 yillik tavalludiga bag‘ishlandi.

Unda bir qator xorijlik ijodkorlar qatori o‘zbek shoirasi Xosiyat Rustamovaning zamonaviy rus she’riyatini o‘zbek tiliga o‘girgan sara tarjimalari uchun g‘oliblikka munosib ko‘rildi.

Tanlov tashkiliy qo‘mitasiga Rossiya, Argentina, Belarus, Bolgariya, Bosniya va Gersegovina, Germaniya, DXR, Isroil, Qozog‘iston, Xitoy, Kolumbiya, LXR, Polsha, Ruminiya, Shimoliy Makedoniya, Serbiya, AQSH, Fransiya, O‘zbekiston, Ukraina, Estoniyadan kelgan 358 ta asar taqdim etilgan.