Samarqand aeroporti 14-sentyabrdan 17-sentyabrga qadar yopiladi. Bunday xabar bugun, 19-avgust kuni aviakompaniya xodimlari uchun xalqaro ogohlantirish tizimi (NOTAM)da paydo boʻldi.

Qayd etilishicha, aeroport 14-sentyabr 00:01 dan 17-sentyabr soat 00:01 ga qadar boʻlgan muddatda tijoriy muntazam va nomuntazam yoʻlovchi hamda yuk reyslarini qabul qilmaydi.

Maʼlumot oʻrnida, joriy yilning 15−16-sentyabr kunlari Samarqandda Shanxay hamkorlik tashkilotiga aʼzo davlatlar rahbarlarining sammiti boʻlib oʻtadi.