Davlat soliq qoʻmitasi 2022-yilning yanvar–iyul oylari davomida 9,2 trillion soʻm toʻlangan QQS summasi tadbirkorlarga qaytarilganini maʼlum qildi.

Qoʻshimcha qiymat soligʻi boʻyicha salbiy farq asosan eksport uchun nol stavkali QQS qoʻllanilishi hisobiga qaytarilgan — 3,1 trillion soʻm.

Shuningdek, QQS summalari qoʻyidagilar hisobiga ham qaytarilgan:

– Eksportdan tashqari realizatsiya uchun nol stavkali QQS qoʻllanilishi – 1,9 trillion soʻm;

– Ichki bozordan xarid qilingan tovarlar qoldigʻi uchun – 1,6 trillion soʻm;

– Xarid qilingan (yaratilgan) asosiy vositalar boʻyicha QQS hisobga olinishi – 1,5 trillion soʻm;

– Import qilingan tovarlar qoldigʻi hisobiga – 1,1 trillion soʻm.