Joriy yil 15-avgust kuni taxminan soat 12:50 da, Yunusobod tumani, Bogʻishamol koʻchasida Spark rusumli mashina haydovchisi yoʻl chetida turgan piyodani urib yuborgan.

Toshkent shahar IIBB xabariga koʻra, u birinchi yordam koʻrsatmay, voqea joyidan ketib qolgan. 

Oqibatda, piyoda, shahar obodonlashtirish boshqarmasi ishchisi, 1967-yilda tugʻilgan, G.K. olgan tan jarohatlari natijasida voqea joyida vafot etgan. 

Avtomashinada piyodani urib, voqea joyidan qochib ketgan haydovchining shaxsi aniqlangan. U 1990-yilda tugʻilgan Yu.R. ekani aniqlandi. Hozirda haydovchi ushlangan.

Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksi 266-moddasi 2-qismi bilan jinoyat ishi qoʻzgʻatilgan.