“Zamin” xalqaro jamoat fondi ijtimoiy tarmoqlarda Ziroat Mirziyoyeva nomidan mukofot pullari tarqatilayotgani aytilgan xabarlarni rad etdi.

Maʼlum qilinishicha, ijtimoiy tarmoqlarda “Zamin” fondi Vasiylik kengashi raisi nomidan soxta akkauntlar ochilib, xayriya va mukofot pullari tarqatilishi haqida yolgʻon axborotlar tarqatilmoqda.

“Mazkur xabarlar haqiqatga mutlaqo toʻgʻri kelmaydi va yurtdoshlarimizni bu kabi feyk maʼlumotlarga ishonmaslikka chaqiramiz”, – deyiladi xabarda.

“Zamin” fondi loyihalari haqida uning veb-saytida hamda ijtimoiy tarmoqlardagi rasmiy sahifalari orqali xabardor boʻlish mumkin.