Oʻzbekistonda iyul oyida 1 920 nafar egizaklar tugʻilgan.

2022-yilning iyul oyida respublikada 79,7 ming tugʻilish qayd etilgan. Bu haqda Davlat statistika qoʻmitasi maʼlumot berdi.

Qoʻmita xabariga koʻra, shundan 1920 nafarini ikki va undan ortiq egizak tugʻilganlar tashkil etgan.

Eng koʻp egizaklar Samarqand viloyatida qayd etilgan — 239 nafar. Undan keyingi oʻrinlarni Fargʻona (212 nafar) va Qashqadaryo (198 nafar) viloyatlari egalladi.

Hududlar kesimida egizak tugʻilganlar soni (iyul oyida):

– Qoraqalpogʻiston R. – 72 nafar;

– Andijon viloyati – 152 nafar;

– Buxoro viloyati – 104 nafar;

– Jizzax viloyati – 91 nafar;

– Navoiy viloyati – 71 nafar;

– Namangan viloyati – 180 nafar;

– Surxondaryo viloyati – 145 nafar;

– Sirdaryo viloyati – 36 nafar;

– Toshkent viloyati – 186 nafar;

– Xorazm viloyati – 77 nafar;

– Toshkent shahri – 157 nafar.