Oʻzbekistonda eng koʻp ayollarni ish bilan taʼminlagan korxonalar maʼlum boʻldi.

Bu borada birinchi oʻrinni Olmaliq kon-metallurgiya kombinati egalladi. Kompaniyada 6,5 mingga yaqin ayol faoliyat olib boradi.

Ikkinchi oʻrinda Navoiy kon-metallurgiya kombinati qayd etilgan — 5,5 mingdan ortiq ayol ishlaydi.

Kuchli uchlikni “Oʻzbektelekom” yopib berdi. Kompaniyada 4,3 ming ayol ish bilan taʼminlangan.  

Shuningdek, “Uztex group” va “Oʻzbekiston pochtasi” kompaniyalarining har birida 3,7 mingdan ziyod ayol faoliyat olib boradi.   

Maʼlum boʻlishicha, iqtisodiyot tarmoqlarida 3 mln nafardan ortiq xotin-qiz ish bilan taʼminlangan.

Ulardan:

• 2,18 mln nafari — kompaniya xodimlari;
• 889 ming nafari — oʻzini oʻzi band qilgan shaxs sifatida roʻyxatdan oʻtgan;
• 151,2 ming nafari — yakka tartibdagi tadbirkor.

Ish bilan band boʻlgan ayollarning aksariyati taʼlim, sogʻliqni saqlash, ijtimoiy xizmatlar va sanoat sohalarida faoliyat koʻrsatmoqda.