Oʻzbekiston 2022-yilning yanvar–iyun oylarida tashqi savdo aylanmasining uchdan bir qismi yoki 35,7 foizi MDH davlatlariga toʻgʻri keldi, deb xabar beradi “Review.uz”.

Shu bilan birga, 2022-yilning yanvar-iyun oylarida MDH davlatlarining umumiy tashqi savdo aylanmasidagi ulushi 2021-yilning mos davriga nisbatan 1,3 foizga kamaygan, boshqa xorijiy davlatlar ulushi esa mos ravishda 1,3 foizga oshib, 64,3 foizni tashkil etgan.

Oʻzbekistonning MDH mamlakatlari bilan tashqi savdo aylanmasi 2022-yil yanvar-iyun holatiga koʻra, 27,6 foizga oʻsib, 8,7 milliard dollarni tashkil etgan. Shundan eksport — 43,1 foizga oʻsib, 3,2 milliard dollarni, import esa 19,9 foizga oʻsib, 5,5 milliard dollar qiymatida qayd etilgan.

Infografika: “Review.uz”

MDH mamlakatlari bilan tashqi savdo aylanmasining eng yuqori hajmlari Rossiya (46,5 foiz), Qozogʻiston (24,1 foiz) hamda Qirgʻiziston (6,7 foiz) davlatlari bilan qayd etilgan.