Qashqadaryo viloyati, Yakkabogʻ tumanidagi molxona binosi kimoshdi savdosida sotildi. Bu haqidagi maʼlumotlar “E-auksion” portaliga joylashtirildi.

Yer uchastkasining umumiy maydoni — 3,1 gektar. Binoning maydoni — 952 kvadrat metr. Molxonada faqat elektr taʼminoti bor. Suv, gaz va kanalizatsiya tizimi mavjud emas.

Auksionga qoʻyilgan yerning boshlangʻich bahosi — 406,5 mln soʻm edi. Savdolar 25-iyul kuni 10:00 da oʻtkazildi va yer 447 mln soʻmga sotildi.

Gʻolib sifatida Uchqun Abdurahmonov koʻrsatilgan. Kimoshdi savdosi 10 daqiqa davom etgan.