Ijtimoiy tarmoqlarda Toshkent viloyatida joylashgan “Bek Baraka” savdo majmuasi atrofidagi doʻkonlarda katta yongʻin boʻlayotgani aytilgan videoxabar tarqaldi. Holat yuzasidan Favqulodda vaziyatlar vazirligi Matbuot xizmati izoh berdi.

Qayd etilishicha, bugun, 26-iyul kuni soat 16:05 da Toshkent viloyati Zangiota tumani Eshonguzar qoʻrgʻoni Toshkent xalqa avtomobil yoʻli chetida joylashgan transformatorda yongʻin sodir boʻlayotganligi toʻgʻrisida viloyat FVBga xabar kelib tushgan.

Shunga koʻra 5 ta yongʻin-qutqaruv ekipaji soat 16:13 da voqea joyiga yetib borgan. Dastlab transformator hududiy elektr tarmoqlari korxonasi mutaxassislari tomonidan elektr tarmogʻidan uzilgan. Soʻng yongʻin soat 16:21 da toʻliq bartaraf etilgan.

Yongʻin oqibatida yon-atrofdagi bino inshootlarga zarar yetmagan. Tan jaroxati olgan va halok boʻlganlar yoʻq. 

Xabarga koʻra, hozirda yongʻin sababi va keltirilgan zarar miqdori aniqlanmoqda.