Bugun kunduz kuni respublika boʻyicha yogʻingarchilik kutilmaydi.

Hududning katta qismida harorat foni 36-41 daraja atrofida, janubda baʼzi joylarda 45 darajagacha boʻlishi saqlanib turadi.

Shimoliy hududlarga salqin havo massasi kirib kelishi davom etadi, kunduzi harorat 32-37° boʻladi.

Janubda va choʻl hududlarda baʼzi joylarda shamol 17-22 m/s gacha kuchayishi, ayrim joylarda chang-toʻzonlari bilan kuzatilishi mumkin.

Fargʻona viloyatining togʻ oldi va togʻli hududlarida glyatsial (muz) sel-suv toshqin hodisalari yuzaga kelishi mumkin.

Poytaxtimizda havo kam bulutli boʻladi. Kunning ikkinchi yarmida shamol 10-12 m/s gacha kuchayishi mumkin. Kunduzi harorat 39-41 darajagacha isiydi.

Togʻli hududlarda yogʻingarchilik kutilmaydi. Shamol 7-12 m/s tezlikda esadi. Harorat 30-35 daraja boʻladi.