Davlat soliq qoʻmitasi tomonidan isteʼmolchilarga yanvar-aprel oylari uchun yana 1,8 mlrd soʻm keshbek toʻlab berildi. May oyida 53,8 mlrd soʻm keshbek toʻlandi, deya xabar berdi qoʻmita matbuot xizmati.

May oyi uchun 509 781 nafar isteʼmolchi keshbek toʻlovini qabul qilib olgan. Yil boshidan buyon esa 673 597 nafar fuqaroga 180,5 mlrd soʻm keshbek toʻlab berilgan.

27-iyunga qadar cheklar eng koʻp roʻyxatdan oʻtkazilgan tadbirkorlik subyektlari quyidagicha:

• Anglesey food (Korzinka) — 4,9 mln ta;
• Havas food (Havas) — 2,5 mln mln ta;
• Darvoza savdo (Makro) — 1,5 mln ta;
• Inspired (Payme) — 1,2 mln ta;
• UNG Petro — 968 ming ta;
• Namangan istiqlol bogʻi — 495,7 ming ta;
• International foodchain (KFC) — 456,2 ming ta;
• Sharqona yagona savdo (Asia) — 446,7 ming ta;
• Best quality products (Tegen) — 324,9 ming ta;
• Osiyo trade biznes (OTB) — 258,7 ming ta.