“Novaya Gazeta” bosh muharriri Dmitriy Muratovga tegishli boʻlgan Nobel mukofoti AQSHda oʻtkazilgan kimoshdi savdolarida 103,5 mln dollarga sotildi.

Boshlangʻich narxi 700 ming dollarlik lot bir necha daqiqa ichida 16,6 mln dollarga koʻtarildi. Narx 103,5 mln dollargacha koʻtarildi. Xaridorning ismi nomaʼlum. Aytilishicha, bu Nobel medalining mukofot tarixidagi eng qimmat sotuvi boʻldi.

Mablagʻlar ukrainalik qochqinlar va bolalarning oilalariga yordam berish maqsadida YUNISEFga beriladi.

“Novaya Gazeta” bosh muharriri Dmitriy Muratov 2021-yilning oktyabrida tinchlik boʻyicha Nobel mukofotini qoʻlga kiritgan.