Kinematografiya agentligi buyurtmasiga binoan “Yoshlik” kinostudiyasi tomonidan suratga olingan “Ipak yoʻlida” qisqa metrajli filmi ikkita xalqaro kinofestivalda gʻolib boʻldi. Bu haqida Kinematografiya agentligi Axborot xizmati xabar qildi.

Jumladan, Angliyaning London shahrida oʻtkazilgan “Eurasian film festival“da «Eng yaxshi Yevrosiyo qisqa metrajli filmi” nominatsiyasida hamda Rossiyaning Kavkaz shahrida oʻtkazilgan «Kinokavkaz» kinofestivalida “Hayʼatning maxsus sovrini” bilan taqdirlandi.

Filmning ssenariy muallifi Shohjahon Subhonov, postanovkachi rejissyor Sherzod Nazarov, postanovkachi operator, Diyor Ismatov, rassom Erkin Hushmatov, badiiy rahbar Ali Hamroyev.

Shu bilan birga, “Ipak yoʻlida” filmi Qirgʻizistonda oʻtkaziladigan “UMUT” hamda Italiyadagi "LIFE AFTER OIL International Film Festival«da ishtirok etadi.