Kecha, 4-may kuni Samarqand – Toshkent yoʻnalishi boʻyicha harakat qilib kelayotgan yengil mashina yoʻl-transport hodisasiga uchrashi oqibatida talaba halok boʻldi.

Oliy va oʻrta maxsus taʼlim vazirligi Matbuot xizmatining maʼlum qilishicha, YTH qurboni boʻlgan talaba 23 yoshli A.X. Toshkent axborot texnologiyalari universitetida tahsil olgan.

Samarqand viloyatining Ishtixon tumani yashovchi talaba Radio va mobil aloqa fakultetining 4-bosqichida tahsil olgan.

Maʼlumot uchun, Oʻzbekiston oliy taʼlim muassasalarida Ramazon hayiti munosabati bilan berilgan 5 kunlik dam olish bugun, 5-may kuni yakunlandi va darslar qayta boshlandi.