Ma’lum bo‘lishicha, «Rosselxoznadzor» tomonidan O‘zbekistondan kelgan mevalarda jigarrang chiriyotgan virus (Monilinia fructicola) aniqlangan. Bu haqda «TASS» xabar berdi.

Xabarga ko‘ra, «Rosselxoznadzor» va O‘zbekiston Respublikasi Vazirlar Mahkamasi huzuridagi O‘simliklar karantini davlat inspeksiyasi o‘rtasida 10 sentyabr kuni videokonferensaloqa formatida muzokaralar bo‘lib o‘tgan.

Ta’kidlanishicha, «Rosselxoznadzor» mazkur karantin ob’yekti ilgari o‘zbek mevalarida aniqlanmaganini qayd etib, tergov o‘tkazishni, mahsulotlarning kelib chiqishini aniqlashni va Rossiyaga faqat kasallanmagan hududlarda yetishtirilgan mahsulotlarni yetkazib berishni so‘ragan.