“Chegara bilmas muxbirlar” xalqaro nohukumat tashkiloti tomonidan tuziladigan Soʻz erkinligi indeksining 2022-yilgi reytingida Oʻzbekiston oʻz koʻrsatkichlarini birdan 24 pozitsiyaga yaxshilab, 157-oʻrindan 133-oʻringa koʻtarildi. Bu haqida prezident matbuot kotibi Sherzod Asadov maʼlum qildi.

«Shu munosabat bilan prezidentimiz rahbarligida mamlakatimizda soʻz erkinligini taʼminlash, ommaviy axborot vositalarini jamoatchilik fikrini ifoda etadigan "toʻrtinchi hokimiyat"ga aylantirish borasida qoʻyilayotgan muhim qadamlarning natijalaridan biri boʻlgan ushbu katta muvaffaqiyat bilan yurtimiz jurnalistikasi, ommaviy axborot vositalari va media sohasi vakillarini tabriklayman», deb yozadi u.