3-may kuni Oʻzbekiston musulmonlari idorasi raisi, muftiy Nuriddin Xoliqnazarov va Din ishlari boʻyicha qoʻmita raisi Sodiqjon Toshboyev boshchiligidagi Oʻzbekiston delegatsiyasi Saudiya Arabistoniga joʻnab ketgan.

Aytilishicha, Saudiya Arabistoni Haj va umra vazirligi “Haj – 2022” mavsumi boʻyicha rasmiy bayonotida, joriy haj tadbiriga chet ellik va mahalliy hojilarga jami 1 million kishi uchun haj ibodatini amalga oshirishga ruxsat bergan.

Oʻzbekiston delegatsiyasi ushbu safar davomida “Haj – 2022” mavsumini tashkil etish bilan bogʻliq masalalarni Saudiya Arabistonidagi mutasaddi idoralar bilan kelishishi rejalashtirilgan.