Surxondaryodan Toshkentga isteʼmolga yaroqsiz goʻsht mahsulotlarini olib kelayotgan Cobalt avtomobili aniqlandi. Bu haqida viloyat IIB Jamoat xavfsizligi departamenti xabar berdi.

Maʼlum qilinishicha, Surxondaryo viloyati IIB JXX JSB Karantin tadbirlarni taʼminlash boʻlinmasi hamda viloyat Veterinariya va chorvachilikni rivojlantirish boʻlimi xodimlari tomonidan “Darband” YPX maskanida nazorat reyd tadbirlari olib borilgan.

Tadbir davomida Angor—Toshkent yoʻnalishida harakatlanib kelayotgan 20 yoshli A.O. boshqaruvida boʻlgan Cobalt rusumli avtotransport vositasida veterinariya-sanitariya qoidalariga amal qilinmagan holda, hech qanday hujjatlarsiz jami 218 kilogramm goʻsht mahsulotlarining olib ketilayotgani aniqlangan. Holat boʻyicha oʻrnatilgan tartibda hujjatlar rasmiylashtirilgan.