OTMga kirish imtiyozlari qayta koʻrib chiqilishi kutilmoqda

Saqlash
19:05 / 03.05.2022 713 0

Oliy taʼlim muassasalariga oʻqishga kirish uchun berilgan imtiyozlar xatlovdan oʻtkazilishi mumkin. Bu korrupsiyaga moyil munosabatlarni bartaraf etish boʻyicha chora-tadbirlarni nazarda tutuvchi dastur loyihasida keltirilgan. Tegishli prezident qarori loyihasi jamoatchilik muhokamasi uchun Adliya vazirligi tomonidan eʼlon qilindi.

 

Qaror loyihasiga koʻra, OTMga kirish uchun berilgan imtiyozlar qayta koʻrib chiqilib, yagona hujjatda qatʼiy roʻyxati shakllantirilishi mumkin. Hujjat loyihasida ushbu imtiyozlarni umumiy kvotaga kiritmaslik toʻgʻrisidagi qoida belgilanishi ham nazarda tutilgan.

 

Bunda quyidagilar nazarda tutilmoqda:

  •  
    • oliy taʼlim muassasalariga oʻqishga kirishda imtiyozlar berishni toʻliq raqamlashtirish hamda elektron platforma orqali amalga oshirilishini yoʻlga qoʻyish;
    •  
    • oʻqishga kirishda imtiyozlar berishning shaffof tartibini belgilash.
  •  

Bundan tashqari, bir OTMdan boshqasiga oʻqishni koʻchirish (shu jumladan, chet eldan) jarayonini raqamlashtirish, shuningdek, ikkinchi mutaxassislikka hamda hamkor chet el oliy taʼlim muassasalari bilan kelishilgan holda qoʻshma oʻquv dasturlariga qabul qilish va talabalar hisobini yuritishda shaffoflikni taʼminlash koʻzlanmoqda.

 

Hujjat loyihasida OTMlardagi talabalar yotoqxonasi bilan taʼminlash va talabalarni joylashtirishning elektron tizimini joriy etish ham nazarda tutilgan.

Izoh yo‘q

Izoh qoldirish