Tokio-2020 Olimpiya oʻyinlarida sportchilarimiz zabt etgan yangi sport turi zamonaviy beshkurash boʻldi. Bugun ushbu sport turida saralash bahslari boshlandi.

Ayollar oʻrtasida oʻtkazilayotgan musobaqada Alise Faxrutdinova kurashga kirishdi. Reglamentga koʻra, dastlab qilichbozlik boʻyicha bellashuvlar boʻlib oʻtdi. Bu haqda MOQ xabar berdi.

Hamyurtimiz 35 jangdan 16 tasidan gʻalaba qozondi va bu unga 196 ochko taqdim qildi. Hozircha vakilamiz 22-pogʻonada ketmoqda. Bugun, shuningdek, erkaklar oʻrtasida yana bir vakilimiz Aleksandr Savkin ham qilichbozlik boʻyicha janglarini oʻtkazadi. Musobaqaning qolgan dasturlarida yurtimizda Olimpiya sport turlari geografiyasini kengaytirgan zamonaviy beshkurashchilarimizga omad tilab qolamiz.