“Uzbekistan Airways” kompaniyasi matbuot xizmatining xabar qilishicha, 2022-yilning 7-mayidan boshlab Oʻzbekiston va Misr hududlari oʻrtasidagi muntazam qatnovlarni yoʻlga qoʻyadi.

Toshkent—Sharm al-Shayx—Toshkent yangi xalqaro yoʻnalishi boʻyicha parvozlar haftada bir marta, shanba kunlari amalga oshiriladi.

Aviaqatnovlar quyidagi jadvalga muvofiq amalga oshiriladi:

• Toshkentdan joʻnab ketish: 09:00 (Toshkent vaqti)
• Sharm al-Shayxga yetib borish: 11:50 (Sharm al-Shayx vaqti)
• Sharm al-Shayxdan joʻnab ketish: 13:20 (Sharm al-Shayx vaqti)
• Toshkentga yetib borish: 21:30 (Toshkent vaqti)