27 aprel kuni ijtimoiy tarmoqlarda Toshkent shahrida besh nafar bola o‘g‘irlangani aytilgan xabarlar tarqaldi. Poytaxt IIBB bunga munosabat bildirib, ushbu xabarlar yolg‘on ekanini ma’lum qildi.

«Toshkent shahrida bola o‘g‘irligi qayd etilmaganini ma’lum qilamiz. Hurmatli fuqarolar va shahrimiz mehmonlari! Har qanday ma’lumotni tarqatishdan oldin rasmiy tashkilotlardan ma’lumot olishni tavsiya etamiz. Unutmang, yolg‘on xabar tarqatganlik uchun javobgarlik bor», — deya ogohlantiradi idora.

Ta’kidlanishicha, hozirda bu kabi yolg‘on xabarlarni tarqatayotgan shaxslar bo‘yicha tekshiruv o‘tkazilmoqda.