Oʻzbekiston musulmonlar idorasi Samarqand viloyati vakilligi axborot xizmatining xabar berishicha, samarqandlik xattot Abdujalil Ergashev 60x80 hajmdagi katta Qurʼon kitobini ko‘chirib tugatgan.

Xattot uch yil davomida Qurʼon kitobini 310 varaq, 620 sahifaga arab kufiy xatida yozishga muvaffaq boʻlgan.

Qayd etilishicha, katta hajmdagi Qurʼon kitobi qoʻlbola usulda tayyorlangan Samarqand qogʻoziga bitilgan. Ushbu qogʻozlar uzoq yillar oʻz sifatini yoʻqotmasdan turishi hamda nam tortmasligi va ivimasligi bilan shuhrat qozongan.