Ikkinchi sinf matematika darsligida 1 sutka kamida 33 soat deb yozildi. «NOVA24» Xalq ta’lim vazirligi rasmiysi bilan bog‘lanib, holatga izoh oldi.

Ma’lum qilinishicha, bolalar vaqtni soat bo‘yicha to‘g‘ri aniqlash kerak bo‘lgan darsda quyidagicha ma’lumot berilgan:

08:33 — 27 takam 21;

09:39 — 21 takam 33 ekani ko‘rsatilgan.

Xalq ta’lim vazirligi huzuridagi Respublika ta’lim markazi vakili Xolmirza Yusupov ushbu darslikda ruscha tarjimada xatolikka yo‘l qo‘yilganini tan olgan.

«Biroq nashriyotdagi darsliklarning aksariyati qayta ko‘rib chiqilib, nashr etilgan. Cheklangan miqdordagi darsliklardagina xatolar saqlanib qolgan», – degan rasmiy.