Toshkent viloyatidagi tibbiy sayyor qabullarda hayvonlarni tekshiradigan apparatdan odamlarni ko‘rikdan o‘tkazishda foydalanilgani ma’lum bo‘ldi.

Sog‘liqni saqlash vazirligining ijtimoiy tarmoqlarida «Nurafshon TV» tomonidan olingan videolavha namoyish etildi. Unda Toshkent viloyatidagi tuman va shahar tibbiyot birlashmasi rahbarlari tomonidan hududlarda sayyor qabullar o‘tkazilib, aholi oldida hisobot topshirilgani, aniqlangan muammolarni tuman va shahar darajasida manzilli hal qilish choralari ko‘rilayotgani haqida so‘z boradi. Doktor Ischanov ushbu lavha orqali juda uyatli holatni fosh etdi.

Ma’lum bo‘lishicha, ushbu tibbiy sayyor qabullarda bundan 15 yillar avval Xitoyda ishlab chiqarilgan, uy hayvonlarini tekshirish uchun mo‘ljallangan, narxi atigi 200 dollarlik UZI apparatidan foydalanilgan.