Ijtimoiy tarmoqlarda “Million” jamoasining soʻnggi konsertidagi hazillari muhokamalarga sabab boʻlmoqda.

Oʻzbekiston Respublikasi Oliy Majlisi Qonunchilik palatasi deputati Alisher Qodirov konsertda namoyish etilgan ayrim sahna koʻrinishlari yuzasidan oʻz munosabatini bildirdi.

“Million”ga tasanno! Barakalla yigitlar! Yanada jurʼatliroq boʻling. Odamlarni birga oʻzgartiramiz!

 

Soliqlar davlatni qudratli qiladi. Qudratli davlat fuqarolarining mehnati hech qachon arzon boʻlmaydi.

 

“Million”ning maslahatiga amal qilib, “koʻzi qizargan” 3 million qorakoʻzlarimizni tinch qoʻyamiz, ular Yaratganning panohida boʻlsinlar.

 

Lekin “koʻzi qizarmagan” xorijdagi vatandoshlarimizning Oʻzbekiston uchun qaygʻurishiga hech qachon shubha qilmaymiz. Zero, milliy taraqqiyot uchun faqat Alisherlar emas, millionlar bir xil oʻylashi kerak», deyiladi Qodirov bildirgan munosabatda.