Yoʻlovchilar orasida talab ortishi munosabati bilan Uzbekistan Airways 2022-yil 8-may kuni Toshkent – Buxoro – Toshkent yoʻnalishi boʻyicha qoʻshimcha aviaqatnovni yoʻlga qoʻyadi. Bu haqida kompaniya axborot xizmati xabar berdi.

Qayd etilishicha, Toshkent – Buxoro yoʻnalishi boʻyicha aviachipta narxi 158 183 soʻmdan (bagajsiz) va 182 518 soʻmdan (bagaj bilan), Toshkent – Buxoro – Toshkent yoʻnalishi boʻyicha esa 304 197 soʻmdan (bagajsiz) va 352 869 soʻmdan (bagaj bilan) boshlanadi. Narxlar 25.04.2022 holatiga koʻra amal qiladi.

Aviachiptalarni aviakompaniyaning rasmiy saytidan www.uzairways.com, Uzbekistan Airways Sales filialidan yoki aviakompaniya agentlaridan xarid qilib olish mumkin.