Pasport oʻrniga mobil telefon - Oʻzbekistonda yangi tartib ishga tushadi

Saqlash
00:04 / 24.04.2022 793 0

Davlat xizmatlaridan foydalanishda Mobil-ID tizimi joriy etiladi. Bu haqida 20-aprel kuni imzolangan PF–113-sonli prezident qarorida qayd etilgan.

 

2022-yil 1-avgustdan boshlab shaxsni aniqlash uchun quyidagi tizim joriy etiladi:

 

  • davlat xizmatlaridan foydalanishda mobil-ID tizimi joriy etiladi;
  • mobil-ID tizimi shaxsni uning mobil telefon raqami orqali identifikatsiyalashni nazarda tutadi;
  • shaxsni Mobil-ID tizimi yordamida identifikatsiyalash DXM yoki notarial idora tomonidan yoxud YAIDXP mobil ilovasi orqali amalga oshiriladi;
  • bevosita Markazlar yoki notarial idora orqali fuqarolarni Mobil-ID tizimiga identifikatsiya qilish 2022-yil 31-dekabrgacha toʻlov undirilmasdan (bepul), 2023-yil 1-yanvardan BHMning 2 foizi (5400 soʻm) miqdorida bir martalik toʻlov undirilgan holda amalga oshiriladi;
  • Mobil-ID tizimi foydalanuvchilari elektron raqamli imzoni qoʻllamagan holda barcha davlat xizmatlaridan (bundan moliyaviy xizmatlar mustasno) foydalanishi mumkin;
  • fuqaroning YAIDXPdagi shaxsiy kabinetiga yuboriladigan barcha xabarnomalar Mobil-ID tizimi orqali identifikatsiyalangan mobil telefon raqamiga SMS-xabar shaklida yuboriladi.

 

Yangi farmondan maqsad - davlat xizmatlarini koʻrsatishda byurokratizm, sansalorlik va boshqa maʼmuriy toʻsiqlarni bartaraf etish, eskirgan va zamon talablariga mos kelmaydigan tartib-taomillarni qisqartirishga, deyiladi qonun matnida.

 

Shuningdek, tadbirkorlik subyektlaridan talab qilinadigan 73 turdagi maʼlumotnomalar va hujjatlar - talabi bekor qilinadi. Ushbu maʼlumotlar “Elektron hukumat” tizimi orqali idoralararo integratsiyalashuv platformasi orqali olinadi.

Izoh yo‘q

Izoh qoldirish

//